چلی نہ جائے یہ جاں تن کے دائرے سے الگ

چلی نہ جائے یہ جاں تن کے دائرے سے الگ

مجھے نہ کیجئے یوں اپنے آسرے سے الگ

جو اپنی آنکھوں میں خوابوں کو پالتا ہی نہیں

حقیقتوں کے جہاں میں ہے وہ سرے سے الگ

ہمارے دل میں محبت مقیم ہے اب بھی

قیام تاج محل کب تھا آگرے سے الگ

مری نگاہ میں سکہ ہر ایک چہرہ ہے

میں کر رہا ہوں ابھی کھوٹے کو کھرے سے الگ

دل و دماغ کی اس کشمکش سے باز آئے

حیات چاہئے ہم کو مناظرے سے الگ

طریقہ اور بھی ہے یار سے تخاطب کا

کہ لفظ اور کوئی لاؤ اے ارے سے الگ

وہ ایک شخص جو ہر گھر کی بات کرتا ہے

اسے سمجھتی ہے دنیا معاشرے سے الگ