chaliye ki rah mein hain shajar saya-dar bhi

chaliye kī raah meñ haiñ shajar sāya-dār bhī

dete haiñ daad ābla-pā.ī kī ḳhaar bhī

nākāmiyoñ ke baa'd bhī rukte nahīñ qadam

majbūriyoñ meñ rakhte haiñ ham iḳhtiyār bhī

insān Thahrā sho.ala-o-shabnam kā ham-mizāj

jannat kī aarzū hai gunāhoñ se pyaar bhī

rātoñ kā silsila ho ki din kī tajalliyāñ

pāband-e-chashm-e-yār haiñ lail-o-nahār bhī

rahne do apnā haath abhī mere haath meñ

Dartā huuñ kho na duuñ kahīñ dil kā qarār bhī

va.ade pe us kī kitnī ḳhushī hai na pūchhiye

aatā nahīñ hai dil ko magar e.atibār bhī

kah de zamāna kuchh bhī mujhe ġham na kar 'nazīr'

lagtā nahīñ hai jab ki mujhe nāgavār bhī

chaliye ki rah mein hain shajar saya-dar bhi

dete hain dad aabla-pai ki KHar bhi

nakaamiyon ke ba'd bhi rukte nahin qadam

majburiyon mein rakhte hain hum iKHtiyar bhi

insan Thahra shoala-o-shabnam ka ham-mizaj

jannat ki aarzu hai gunahon se pyar bhi

raaton ka silsila ho ki din ki tajalliyan

paband-e-chashm-e-yar hain lail-o-nahaar bhi

rahne do apna hath abhi mere hath mein

Darta hun kho na dun kahin dil ka qarar bhi

wade pe us ki kitni KHushi hai na puchhiye

aata nahin hai dil ko magar eatibar bhi

kah de zamana kuchh bhi mujhe gham na kar 'nazir'

lagta nahin hai jab ki mujhe nagawar bhi