chalne ka hunar kab aata hai jab tak koi Thokar khao nahin

chalne kā hunar kab aatā hai jab tak koī Thokar khaao nahīñ

hālāt badalte rahte haiñ hālāt se tum ghabrāo nahīñ

sapnoñ ke rain-basere meñ sadiyoñ se baḌā sannāTā hai

āñkhoñ meñ niiñd sulagtī hai ab ḳhvāb koī dikhlāo nahīñ

ye baazī pyaar kī baazī hai yahāñ sab kuchh daañv pe lagtā hai

jiito to kabhī itrāo nahīñ haaro to kabhī pachhtāo nahīñ

bojhal palkeñ suune raste vīrān havelī sannāTā

ab koī nahīñ aane vaalā chaukhaT pe charāġh jalāo nahīñ

Thokar se kabhī ḳhud apne hī talve zaḳhmī ho jaate haiñ

patthar to TuuT bhī sakte haiñ shīshe se magar Takrāo nahīñ

ḳhud apnī tabāhī par hañsnā har shaḳhs ke bas kī baat nahīñ

dīvāna hai jo hañs letā hai dīvāne ko samjhāo nahīñ

gāgar ke sāgar meñ aksar Duubā hai ġhurūr pahāḌoñ kā

tum apne dil par rahm karo panghaT pe akele jaao nahīñ

ye rishte-nāte dharm-karm pe pāp-punnya ham kyā jāneñ

ham aisī Dagar ke jogī haiñ logo ham ko bahkāo nahīñ

hamdardī kaun jatā.egā duniyā ko to hañsnā aatā hai

is TuuTe hue dil kā qissa duniyā vāloñ ko sunāo nahīñ

chalne ka hunar kab aata hai jab tak koi Thokar khao nahin

haalat badalte rahte hain haalat se tum ghabrao nahin

sapnon ke rain-basere mein sadiyon se baDa sannaTa hai

aankhon mein nind sulagti hai ab KHwab koi dikhlao nahin

ye bazi pyar ki bazi hai yahan sab kuchh danw pe lagta hai

jito to kabhi itrao nahin haaro to kabhi pachhtao nahin

bojhal palken sune raste viran haweli sannaTa

ab koi nahin aane wala chaukhaT pe charagh jalao nahin

Thokar se kabhi KHud apne hi talwe zaKHmi ho jate hain

patthar to TuT bhi sakte hain shishe se magar Takrao nahin

KHud apni tabahi par hansna har shaKHs ke bas ki baat nahin

diwana hai jo hans leta hai diwane ko samjhao nahin

gagar ke sagar mein aksar Duba hai ghurur pahaDon ka

tum apne dil par rahm karo panghaT pe akele jao nahin

ye rishte-nate dharm-karm pe pap-punnya hum kya jaanen

hum aisi Dagar ke jogi hain logo hum ko bahkao nahin

hamdardi kaun jataega duniya ko to hansna aata hai

is TuTe hue dil ka qissa duniya walon ko sunao nahin