chalo hum hi pahal kar den ki humse bad-guman kyun ho
chalo ham hī pahal kar deñ ki ham se bad-gumāñ kyuuñ ho
koī rishta zarā sī zid kī ḳhātir rā.egāñ kyuuñ ho
maiñ zinda huuñ to is zinda-zamīrī kī badaulat hī
jo bole tere lahje meñ bhalā merī zabāñ kyuuñ ho
savāl āḳhir ye ik din dekhnā ham hī uThā.eñge
na samjhe jo zamīñ ke ġham vo apnā āsmāñ kyuuñ ho
hamārī guftugū kī aur bhī samteñ bahut sī haiñ
kisī kā dil dukhāne hī ko phir apnī zabāñ kyuuñ ho
bikhar kar rah gayā hamsā.egī kā ḳhvāb hī varna
diye is ghar meñ raushan hoñ to us ghar meñ dhuāñ kyuuñ ho
mohabbat āsmāñ ko jab zamīñ karne kī zid Thahrī
to phir buzdil usūloñ kī sharāfat darmiyāñ kyuuñ ho
ummīdeñ saarī duniyā se 'vasīm' aur ḳhud meñ aise ġham
kisī pe kuchh na zāhir ho to koī mehrbāñ kyuuñ ho
chalo hum hi pahal kar den ki hum se bad-guman kyun ho
koi rishta zara si zid ki KHatir raegan kyun ho
main zinda hun to is zinda-zamiri ki badaulat hi
jo bole tere lahje mein bhala meri zaban kyun ho
sawal aaKHir ye ek din dekhna hum hi uThaenge
na samjhe jo zamin ke gham wo apna aasman kyun ho
hamari guftugu ki aur bhi samten bahut si hain
kisi ka dil dukhane hi ko phir apni zaban kyun ho
bikhar kar rah gaya hamsaegi ka KHwab hi warna
diye is ghar mein raushan hon to us ghar mein dhuan kyun ho
mohabbat aasman ko jab zamin karne ki zid Thahri
to phir buzdil usulon ki sharafat darmiyan kyun ho
ummiden sari duniya se 'wasim' aur KHud mein aise gham
kisi pe kuchh na zahir ho to koi mehrban kyun ho
- Book : Mera Kiya (Pg. 38)
- Author : Waseem Barelvi
- Publication : Maktaba Jamia Ltd. (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
