چلو ہم میں وفاداری نہیں ہے
مگر کیا تم میں غداری نہیں ہے
تمہارا جھک کے ملنا ہر کسی سے
بتاؤ کیا اداکاری نہیں ہے
کوئی منصف مجھے کیونکر ملے گا
مرا انداز درباری نہیں ہے
بڑا ہی نیک ہے وہ پارسا بھی
فقط اس میں ملن ساری نہیں ہے
حقارت سے زمانہ دیکھتا ہے
وجہ یہ ہے کہ سرداری نہیں ہے
کھلے دل کا ہے سچ کہتا ہے اکثر
ذرا بھی اس میں ہشیاری نہیں ہے
چمکنے دو ستاروں کو فلک پر
ابھی تو شمسؔ کی باری نہیں ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
