chalo ek bar ho jate hain phir sairab tum se hum

chalo ik baar ho jaate haiñ phir sairāb tum se ham

chalo phir sīkhte haiñ ishq ke ādāb tum se ham

chalo phir zindagī ghuT ghuT ke jiinā band karte haiñ

chalo milte haiñ le kar phir dil-e-be-tāb tum se ham

chalo ham baat karte karte karte haiñ saverā phir

chalo phir rāt-bhar khāte haiñ pech-o-tāb tum se ham

chalo phir se guzāreñ raat donoñ āñkhoñ āñkhoñ meñ

chalo phir se churāte haiñ tumhāre ḳhvāb tum se ham

chalo phir dekhte rahte haiñ ham ik dūsre ko bas

chalo phir pūchhte haiñ chup ke sab asbāb tum se ham

chalo phir tum se ham karte haiñ zid ā.īna banñe kī

chalo phir karte haiñ ḳhud ko zarā shādāb tum se ham

chalo 'shāhid' ko baḳhshā hai agar kuchh hausla tum ne

chalo hote raheñge ab mohabbat-yāb tum se ham

chalo ek bar ho jate hain phir sairab tum se hum

chalo phir sikhte hain ishq ke aadab tum se hum

chalo phir zindagi ghuT ghuT ke jina band karte hain

chalo milte hain le kar phir dil-e-be-tab tum se hum

chalo hum baat karte karte karte hain sawera phir

chalo phir raat-bhar khate hain pech-o-tab tum se hum

chalo phir se guzaren raat donon aankhon aankhon mein

chalo phir se churaate hain tumhaare KHwab tum se hum

chalo phir dekhte rahte hain hum ek dusre ko bas

chalo phir puchhte hain chup ke sab asbab tum se hum

chalo phir tum se hum karte hain zid aaina banne ki

chalo phir karte hain KHud ko zara shadab tum se hum

chalo 'shahid' ko baKHsha hai agar kuchh hausla tum ne

chalo hote rahenge ab mohabbat-yab tum se hum