chalo pi len ki yar aae na aae

chalo pī leñ ki yaar aa.e na aa.e

ye mausam baar baar aa.e na aa.e

ham us kī raah dekheñge hamesha

vo jān-e-intizār aa.e na aa.e

ye sochā hai ki us ko bhuul jaa.eñ

ab is dil ko qarār aa.e na aa.e

gulāboñ kī tarah tum taaza rahnā

zamāne meñ bahār aa.e na aa.e

'zamīr' is zindagī se kyoñ ḳhafā ho

use phir tum pe pyaar aa.e na aa.e

chalo pi len ki yar aae na aae

ye mausam bar bar aae na aae

hum us ki rah dekhenge hamesha

wo jaan-e-intizar aae na aae

ye socha hai ki us ko bhul jaen

ab is dil ko qarar aae na aae

gulabon ki tarah tum taza rahna

zamane mein bahaar aae na aae

'zamir' is zindagi se kyon KHafa ho

use phir tum pe pyar aae na aae