chamak-damak pe na jao khari nahin koi shai

chamak-damak pe na jaao kharī nahīñ koī shai

sivā.e shāḳh-e-tamannā harī nahīñ koī shai

dil-e-gudāz o lab-e-ḳhushk o chashm-e-tar ke baġhair

ye ilm o fazl ye dānish-varī nahīñ koī shai

to phir ye kashmakash-e-dil kahāñ se aa.ī hai

jo dil-giraftagī o dilbarī nahīñ koī shai

ajab haiñ vo ruḳh o gesū ki sāmne jin ke

ye sub.h o shaam kī jādūgarī nahīñ koī shai

malāl-e-sāya-e-dīvār-e-yār ke aage

shab-e-tarab tirī nīlam-parī nahīñ koī shai

jahān-e-ishq se ham sarsarī nahīñ guzre

ye vo jahāñ hai jahāñ sarsarī nahīñ koī shai

tirī nazar kī gulābī hai shīsha-e-dil meñ

ki ham ne aur to is meñ bharī nahīñ koī shai

chamak-damak pe na jao khari nahin koi shai

siwae shaKH-e-tamanna hari nahin koi shai

dil-e-gudaz o lab-e-KHushk o chashm-e-tar ke baghair

ye ilm o fazl ye danish-wari nahin koi shai

to phir ye kashmakash-e-dil kahan se aai hai

jo dil-giraftagi o dilbari nahin koi shai

ajab hain wo ruKH o gesu ki samne jin ke

ye subh o sham ki jadugari nahin koi shai

malal-e-saya-e-diwar-e-yar ke aage

shab-e-tarab teri nilam-pari nahin koi shai

jahan-e-ishq se hum sarsari nahin guzre

ye wo jahan hai jahan sarsari nahin koi shai

teri nazar ki gulabi hai shisha-e-dil mein

ki hum ne aur to is mein bhari nahin koi shai