chaman hai kaisa ye kaisi bahaar hai saqi

chaman hai kaisā ye kaisī bahār hai saaqī

lahū se sehn-e-chaman lāla-zār hai saaqī

ye chīra-dastī-e-ahl-e-junūñ ma.āz-allāh

qabā-e-lāla-o-gul taar taar hai saaqī

hai zad meñ ātish-o-āhan kī shahr-e-rāmish-o-rañg

udaas shaam sahar sogvār hai saaqī

ye zaḳhm zaḳhm badan aur ye soḳhta lāsheñ

ajiib marhala-e-gīr-o-dār hai saaqī

ye kyā sitam hai ki qātil hai suraḳh-rū lekin

huā jo qatl vahī sharmsār hai saaqī

na jaane mausam-e-gul kā shabāb kyā hogā

agar ye āmad-e-fasl-e-bahār hai saaqī

bajā ki vaqt taġhayyur-pazīr hai har dam

magar hayāt kā kab e'tibār hai saaqī

chaman hai kaisa ye kaisi bahaar hai saqi

lahu se sehn-e-chaman lala-zar hai saqi

ye chira-dasti-e-ahl-e-junun maaz-allah

qaba-e-lala-o-gul tar tar hai saqi

hai zad mein aatish-o-ahan ki shahr-e-ramish-o-rang

udas sham sahar sogwar hai saqi

ye zaKHm zaKHm badan aur ye soKHta lashen

ajib marhala-e-gir-o-dar hai saqi

ye kya sitam hai ki qatil hai suraKH-ru lekin

hua jo qatl wahi sharmsar hai saqi

na jaane mausam-e-gul ka shabab kya hoga

agar ye aamad-e-fasl-e-bahaar hai saqi

baja ki waqt taghayyur-pazir hai har dam

magar hayat ka kab e'tibar hai saqi