chaman ki tazgi phulon ki dil-kashi le kar

chaman kī tāzgī phūloñ kī dil-kashī le kar

tire dayār meñ aaya huuñ zindagī le kar

jo kar rahā hai ikaTThā matā-e-hastī to

vahāñ na jā.egā sun le tū ek bhī le kar

ragoñ meñ dauḌ rahī hai siyāhī nafrat kī

chale bhī aao mohabbat kī raushnī le kar

navāz deñge to ehsān aap kā hogā

maiñ TuuTī phūTī yahāñ aaya shā.erī le kar

zamāna dekhne lagtā hai shak kī nazroñ se

koī nikaltā nahīñ lab pe ab hañsī le kar

kisī se kuchh nahīñ kahtā hai apne dil kī baat

bhaTak rahā hai vo hoñToñ pe ḳhāmushī le kar

añdhere paañv pasāreñge kis tarah 'jāzil'

mohabbatoñ kī maiñ niklā huuñ chāñdnī le kar

chaman ki tazgi phulon ki dil-kashi le kar

tere dayar mein aaya hun zindagi le kar

jo kar raha hai ikaTTha mata-e-hasti to

wahan na jaega sun le tu ek bhi le kar

ragon mein dauD rahi hai siyahi nafrat ki

chale bhi aao mohabbat ki raushni le kar

nawaz denge to ehsan aap ka hoga

main TuTi phuTi yahan aaya shaeri le kar

zamana dekhne lagta hai shak ki nazron se

koi nikalta nahin lab pe ab hansi le kar

kisi se kuchh nahin kahta hai apne dil ki baat

bhaTak raha hai wo honTon pe KHamushi le kar

andhere panw pasarenge kis tarah 'jazil'

mohabbaton ki main nikla hun chandni le kar