چمن کیا ہے یہ آنکھیں بھول جاتی ہیں گلوں کی کج کلاہی بھی

چمن کیا ہے یہ آنکھیں بھول جاتی ہیں گلوں کی کج کلاہی بھی

سر مژگاں عجب شے ہے رگ صحرا کی بے آب و گیاہی بھی

میں اپنے آپ سے سارے محاذوں پر جدال و جنگ کرتا ہوں

کہ اپنے لشکر تنہا نفر کا میر بھی ہوں میں سپاہی بھی

حیات جاوداں بخشی ہے جن کی شعلگی نے مہر تاباں کو

کسے معلوم تھا ان منقسم ذروں سے آئے گی تباہی بھی

نہیں ایسا نہیں ہے روشنی ہی روشنی کرتی نہیں ہر سو

دیے کی لو اگلتی ہے دھوئیں کی شکل میں پنہاں سیاہی بھی