chaman kya hai ye aankhen bhul jati hain gulon ki kaj-kulahi bhi

chaman kyā hai ye āñkheñ bhuul jaatī haiñ guloñ kī kaj-kulāhī bhī

sar-e-mizhgāñ 'ajab shai hai rag-e-sahrā kī be-āb-o-giyāhī bhī

maiñ apne aap se saare mahāzoñ par jidāl-o-jang kartā huuñ

ki apne lashkar-e-tanhā-nafar kā miir bhī huuñ maiñ sipāhī bhī

hayāt-e-jāvedāñ baḳhshī hai jin kī sho'lagī ne mehr-e-tābāñ ko

kise mā'lūm thā un munqasim zarroñ se aa.egī tabāhī bhī

nahīñ aisā nahīñ hai raushnī hī raushnī kartī nahīñ har-sū

diye kī lau ugaltī hai dhueñ kī shakl meñ pinhāñ siyāhī bhī

chaman kya hai ye aankhen bhul jati hain gulon ki kaj-kulahi bhi

sar-e-mizhgan 'ajab shai hai rag-e-sahra ki be-ab-o-giyahi bhi

main apne aap se sare mahazon par jidal-o-jang karta hun

ki apne lashkar-e-tanha-nafar ka mir bhi hun main sipahi bhi

hayat-e-jawedan baKHshi hai jin ki sho'lagi ne mehr-e-taban ko

kise ma'lum tha un munqasim zarron se aaegi tabahi bhi

nahin aisa nahin hai raushni hi raushni karti nahin har-su

diye ki lau ugalti hai dhuen ki shakl mein pinhan siyahi bhi