chaman mahfuz hoga meri duniya miT gai hogi

chaman mahfūz hogā merī duniyā miT ga.ī hogī

jahāñ bijlī ko girnā thā vahīñ bijlī girī hogī

kahāñ tak jabr kartā dil pe āḳhir maiñ bhī insāñ huuñ

tabī.at phir tabī.at hai kabhī ghabrā ga.ī hogī

badal jaa.e jo mīr-e-kārvāñ kyā farq paḌtā hai

agar jaada vahī hogā to manzil bhī vahī hogī

ḳhizāñ kā daur hogā mausam-e-gul jā chukā hogā

qafas se jab maiñ chhūTūñgā to duniyā dūsrī hogī

mujhe ġham dene vaale zabt-e-ġham kā hausla bhī de

yaqīnan ba.ad is ke shān-e-ġham kuchh aur hī hogī

bahār aa.e na aa.e maiñ garebāñ chaak kar lūñgā

agar ḳhāmosh baiThūñgā to ye dīvāngī hogī

vo shām-e-hijr ho yā vasl kī shab farq itnā hai

kahīñ terī kamī hogī kahīñ merī kamī hogī

hamāre āshiyāñ par kab gireñgī bijliyāñ āḳhir

'sa.īd' allāh jaane kab chaman meñ raushnī hogī

chaman mahfuz hoga meri duniya miT gai hogi

jahan bijli ko girna tha wahin bijli giri hogi

kahan tak jabr karta dil pe aaKHir main bhi insan hun

tabiat phir tabiat hai kabhi ghabra gai hogi

badal jae jo mir-e-karwan kya farq paDta hai

agar jada wahi hoga to manzil bhi wahi hogi

KHizan ka daur hoga mausam-e-gul ja chuka hoga

qafas se jab main chhuTunga to duniya dusri hogi

mujhe gham dene wale zabt-e-gham ka hausla bhi de

yaqinan baad is ke shan-e-gham kuchh aur hi hogi

bahaar aae na aae main gareban chaak kar lunga

agar KHamosh baiThunga to ye diwangi hogi

wo sham-e-hijr ho ya wasl ki shab farq itna hai

kahin teri kami hogi kahin meri kami hogi

hamare aashiyan par kab girengi bijliyan aaKHir

'said' allah jaane kab chaman mein raushni hogi