chaman mein chehra-e-gul par kahan nikhaar ka rang

chaman meñ chehra-e-gul par kahāñ nikhār kā rang

na jaane kaisā hai ab ke baras bahār kā rang

vo iztirāb kā aalam vo intishār kā rang

ḳhushā vo dil jise raas aa.e intizār kā rang

chaman ko jis ne ḳhud apne lahū se sīñchā hai

usī se pūchhiye ra.anā.ī-e-bahār kā rang

har ek rang yahāñ jannat-e-nigāh sahī

magar aziiz hai mujh ko ḳhayāl-e-yār kā rang

hamāre dam se hai qaa.em chaman kī ra.anā.ī

hamāre ḳhuun se miltā hai lāla-zār kā rang

na pūchh kaise shab-e-intizār guzrī hai

na dekh kyā hai mirī chashm-e-intizār kā rang

hazār va.ada-e-mohkam ke bāvajūd ai dost

miTā miTā sā hai phir tere e.atibār kā rang

vafā kā ḳhuun kabhī rā.egāñ nahīñ jaatā

hai surḳh aaj bhī 'jauhar' salīb-o-dār kā rang

chaman mein chehra-e-gul par kahan nikhaar ka rang

na jaane kaisa hai ab ke baras bahaar ka rang

wo iztirab ka aalam wo intishaar ka rang

KHusha wo dil jise ras aae intizar ka rang

chaman ko jis ne KHud apne lahu se sincha hai

usi se puchhiye ranai-e-bahaar ka rang

har ek rang yahan jannat-e-nigah sahi

magar aziz hai mujh ko KHayal-e-yar ka rang

hamare dam se hai qaem chaman ki ranai

hamare KHun se milta hai lala-zar ka rang

na puchh kaise shab-e-intizar guzri hai

na dekh kya hai meri chashm-e-intizar ka rang

hazar wada-e-mohkam ke bawajud ai dost

miTa miTa sa hai phir tere eatibar ka rang

wafa ka KHun kabhi raegan nahin jata

hai surKH aaj bhi 'jauhar' salib-o-dar ka rang