چمن میں کانٹوں کی گل کو چبھن سلاتی ہے

چمن میں کانٹوں کی گل کو چبھن سلاتی ہے

ہمیں یہ رات نہیں اب تھکن سلاتی ہے

ہماری روح بھٹکتی ہے رات بھر باہر

یہ نیند صرف ہمارا بدن سلاتی ہے

کبھی کبھی تو اندھیرا ہوا سو جاتے ہیں

کبھی تو صبح کی پہلی کرن سلاتی ہے

کسی کے ہجر میں قیدی کئی برس رہے ہم

ہمیں تو کمرے کی بس اب گھٹن سلاتی ہے

لگے رہو کہ ذرا بھی کہیں نہ آنکھ لگے

لگے ہی رہنے کی ہم کو لگن سلاتی ہے

عمارتوں کے یہ جنگل میں سوئیں بھی کیسے

جنہیں ہمیشہ ہی خوشبوئے بن سلاتی ہے