chaman mein Khaar hi kya gul bhi dil-figar mile

chaman meñ ḳhaar hī kyā gul bhī dil-figār mile

fareb-ḳhurda-e-rañgīnī-e-bahār mile

maza to jab hai ki vo āftāb-e-sub.h-e-jamāl

gale lipaT ke sar-e-shām-e-intizār mile

nigāh-e-yās se muñh tak rahā huuñ ik ik kā

koī to bazm-e-raqībañ meñ ġham-gusār mile

jinhoñ ne apne lahū se chaman ko sīñchā thā

unhīñ ke jaib-o-garebān taar taar mile

maiñ un ke va.adoñ kā yuuñ bhī yaqīn kartā huuñ

mile mile na mile lutf-e-intizār mile

qafas ke ba.ad chaman meñ ye dekhnā hai mujhe

ḳhizāñ mile ki vahāñ mausam-e-bahār mile

vahī to fikr-e-suḳhan āj-kal kare 'ja.afar'

jise hayāt kā māhaul ḳhush-gavār mile

chaman mein KHar hi kya gul bhi dil-figar mile

fareb-KHurda-e-rangini-e-bahaar mile

maza to jab hai ki wo aaftab-e-subh-e-jamal

gale lipaT ke sar-e-sham-e-intizar mile

nigah-e-yas se munh tak raha hun ek ek ka

koi to bazm-e-raqiban mein gham-gusar mile

jinhon ne apne lahu se chaman ko sincha tha

unhin ke jaib-o-gareban tar tar mile

main un ke wadon ka yun bhi yaqin karta hun

mile mile na mile lutf-e-intizar mile

qafas ke baad chaman mein ye dekhna hai mujhe

KHizan mile ki wahan mausam-e-bahaar mile

wahi to fikr-e-suKHan aaj-kal kare 'jafar'

jise hayat ka mahaul KHush-gawar mile