چمن میں پھولوں کا دامان تار تار بھی دیکھ

چمن میں پھولوں کا دامان تار تار بھی دیکھ

بہار دیکھ چکا حاصل بہار بھی دیکھ

اسیر صبح طرب شام سوگوار بھی دیکھ

گزرتے لمحوں کا اک اور شاہکار بھی دیکھ

مہہ‌ و نجوم کے جلوؤں سے کھیلنے والے

فضا میں پھیلا ہوا رنگ انتشار بھی دیکھ

ترے خیال سے آگے تری نظر سے پرے

جو پل رہے ہیں وہ لمحات خلفشار بھی دیکھ

نکل کے مرمریں محلوں کے سرد خانوں سے

تپا تپا سا غریبوں کا ریگ زار بھی دیکھ

بہار غنچہ و گل سے نظر ہٹا کے ذرا

سسکتی قوم کے زخموں کا لالہ زار بھی دیکھ

بنام امن لئے اسلحوں کے دامن سے

جو اٹھ رہا ہے وہ طوفان شعلہ بار بھی دیکھ

لہو لہو ہے جہاں جسم آشتی احمرؔ

ستم رسیدوں کا وہ خوں چکاں دیار بھی دیکھ