chand lamhat mein sadiyon ka maza le aaya

chand lamhāt meñ sadiyoñ kā maza le aayā

yā kahūñ baiThe-biThā.e hī balā le aayā

ḳhud ko uljhā ke zamāne ke masā.il meñ idhar

maiñ tirī yaad se apne ko bachā le aayā

aag se aag to lohe se kaTegā lohā

lo nayā zaḳhm purāne kī davā le aayā

ek taqsīr ki maiñ jis kī muāfī ke liye

har dafa ek na.ī aur sazā le aayā

surḳh āñkheñ liye vo apnī udhar lauT gayā

maiñ idhar apnā ruvāñsā sā galā le aayā

tujh ko pā kar bhī nadāmat meñ mare jaatā huuñ

ki kisī aur ke hisse kī vafā le aayā

chand lamhat mein sadiyon ka maza le aaya

ya kahun baiThe-biThae hi bala le aaya

KHud ko uljha ke zamane ke masail mein idhar

main teri yaad se apne ko bacha le aaya

aag se aag to lohe se kaTega loha

lo naya zaKHm purane ki dawa le aaya

ek taqsir ki main jis ki muafi ke liye

har dafa ek nai aur saza le aaya

surKH aankhen liye wo apni udhar lauT gaya

main idhar apna ruwansa sa gala le aaya

tujh ko pa kar bhi nadamat mein mare jata hun

ki kisi aur ke hisse ki wafa le aaya