چند لمحوں کی فراغت ہے میسر جاناں

چند لمحوں کی فراغت ہے میسر جاناں

پھر کہاں حسن و محبت کا یہ منظر جاناں

آنکھ بھر کر تجھے اے جان جہاں دیکھ تو لوں

جانے لے جائے کہاں کل کو مقدر جاناں

یہ دہکتے ہوئے رخسار پہ رنگیں آنچل

کاش قائم رہے کچھ دیر ی منظر جاناں

یہ چمن زار یہ کہسار یہ بھیگا موسم

اس پہ تیرا یہ نکھرتا ہوا پیکر جاناں

گرم قہوے کی مہک اور یہ بوندا باندی

یہ سرائے یہ حسیں شام کا منظر جاناں

کتنے طوفان مچلتے ہیں مرے سینے میں

دل ہے جذبات کا بہتا ہوا ساگر جاناں

کیف و مستی کے وہ لمحات حسیں خواب ہوئے

اب کہاں حسن و محبت کا وہ منظر جاناں