chand lamhon mein ghubar-e-karwan rah jaega

chand lamhoñ meñ ġhubār-e-kārvāñ rah jā.egā

ḳhaak ho jā.ūñgā maiñ jal kar dhuāñ rah jā.egā

sham-e-mahfil raqs-e-bismil kā na hogā kuchh vajūd

anjuman meñ girya-e-nauha-e-girāñ rah jā.egā

kar ke hijrat duur sahrā meñ chale jā.eñge log

shahr meñ jalte makānoñ kā dhuāñ rah jā.egā

Dhāñp degā apnī chādar se mujhe gard-o-ġhubār

mere naqsh-e-pā kā dhuñdlā sā nishāñ rah jā.egā

mimbar-o-mehrāb ho jā.eñge suune ek roz

gumbad-o-mīnār par shor-e-azāñ rah jā.egā

chand lamhon mein ghubar-e-karwan rah jaega

KHak ho jaunga main jal kar dhuan rah jaega

sham-e-mahfil raqs-e-bismil ka na hoga kuchh wajud

anjuman mein girya-e-nauha-e-giran rah jaega

kar ke hijrat dur sahra mein chale jaenge log

shahr mein jalte makanon ka dhuan rah jaega

Dhanp dega apni chadar se mujhe gard-o-ghubar

mere naqsh-e-pa ka dhundla sa nishan rah jaega

mimbar-o-mehrab ho jaenge sune ek roz

gumbad-o-minar par shor-e-azan rah jaega