chand roz aur badan tu bhi Thikana hai mujhe

chand roz aur badan tū bhī Thikāna hai mujhe

rāsta chhoḌ ki jaldī meñ huuñ jaanā hai mujhe

maut hai dil ke dhaḌakne ke Thaharne kī dalīl

zindagī dil ke dhaḌakne kā bahāna hai mujhe

maiñ akelā huuñ kahāñ ho mirī āñkho aao

aaj ik ḳhvāb ke lāshe ko uThānā hai mujhe

paas bas ek kahānī hai sunāne ke liye

'umr-bhar ek kahānī ko sunānā hai mujhe

ai ḳhamoshī tirī dīvār kā kyā bigḌegā

jāntā huuñ ye magar shor machānā hai mujhe

dekhtā rahtā huuñ chehroñ meñ chhupe chehroñ ko

apnī tanhā.ī koī ā.ina-ḳhāna hai mujhe

chand roz aur badan tu bhi Thikana hai mujhe

rasta chhoD ki jaldi mein hun jaana hai mujhe

maut hai dil ke dhaDakne ke Thaharne ki dalil

zindagi dil ke dhaDakne ka bahana hai mujhe

main akela hun kahan ho meri aankho aao

aaj ek KHwab ke lashe ko uThana hai mujhe

pas bas ek kahani hai sunane ke liye

'umr-bhar ek kahani ko sunana hai mujhe

ai KHamoshi teri diwar ka kya bigDega

jaanta hun ye magar shor machana hai mujhe

dekhta rahta hun chehron mein chhupe chehron ko

apni tanhai koi aaina-KHana hai mujhe