charagh dil ka tha raushan bujha gaya pani

charāġh dil kā thā raushan bujhā gayā paanī

ki ban ke sail-e-balā ghar meñ aa gayā paanī

ḳhulūs pyaar vafā sab usī ke saath ga.e

mohabbatoñ ke nishāñ sab miTā gayā paanī

chaḌhā huā thā jo dariyā utar gayā lekin

hamārī ūñchī imārat Dhahā gayā paanī

bujhegī pyaas bhalā kyā zamīñ kī ashkoñ se

hamārī aañkh meñ kyuuñ aaj aa gayā paanī

huī jo bārish-e-ġham to badal ga.e manzar

zarā sī der meñ kyā kyā dikhā gayā paanī

Dubo hī degā tumheñ ab nadī kā ye sailāb

kahāñ bachoge ki ab ghar meñ aa gayā paanī

maiñ ab ye shahr-e-havas chhoḌ kar kahāñ jā.ūñ

mujhe to raas yahāñ kā ab aa gayā paanī

charagh dil ka tha raushan bujha gaya pani

ki ban ke sail-e-bala ghar mein aa gaya pani

KHulus pyar wafa sab usi ke sath gae

mohabbaton ke nishan sab miTa gaya pani

chaDha hua tha jo dariya utar gaya lekin

hamari unchi imarat Dhaha gaya pani

bujhegi pyas bhala kya zamin ki ashkon se

hamari aankh mein kyun aaj aa gaya pani

hui jo barish-e-gham to badal gae manzar

zara si der mein kya kya dikha gaya pani

Dubo hi dega tumhein ab nadi ka ye sailab

kahan bachoge ki ab ghar mein aa gaya pani

main ab ye shahr-e-hawas chhoD kar kahan jaun

mujhe to ras yahan ka ab aa gaya pani