charagh-e-anjuman ko ye KHabar kya

charāġh-e-anjuman ko ye ḳhabar kyā

ki manzil kyā hai aur rasm-e-safar kyā

safar meñ fikr-e-rāhat is qadar kyā

sajā.e haiñ ye tum ne bām-o-dar kyā

nahīñ gardish meñ ab shams-o-qamar kyā

na badleñge mire shām-o-sahar kyā

ḳhulūs-e-ijz hai ik shart-e-sajda

kisī kā naqsh-e-pā kyā sañg-e-dar kyā

mashiyyat kār-farmā-e-do-ālam

to phir ye nek bad kyā ḳhair-o-shar kyā

baḌhī hai vaqt kī raftār kaisī

huī hai zindagānī muḳhtasar kyā

adā-e-shukr bhī lāzim hai 'at.har'

rahegā shikva-bar-lab umr bhar kyā

charagh-e-anjuman ko ye KHabar kya

ki manzil kya hai aur rasm-e-safar kya

safar mein fikr-e-rahat is qadar kya

sajae hain ye tum ne baam-o-dar kya

nahin gardish mein ab shams-o-qamar kya

na badlenge mere sham-o-sahar kya

KHulus-e-ijz hai ek shart-e-sajda

kisi ka naqsh-e-pa kya sang-e-dar kya

mashiyyat kar-farma-e-do-alam

to phir ye nek bad kya KHair-o-shar kya

baDhi hai waqt ki raftar kaisi

hui hai zindagani muKHtasar kya

ada-e-shukr bhi lazim hai 'athar'

rahega shikwa-bar-lab umr bhar kya