charagh-e-dil jalane mein bahut hi der kar di hai

charāġh-e-dil jalāne meñ bahut hī der kar dī hai

surāġh-e-dard paane meñ bahut hī der kar dī hai

harīr-o-parniyāñ ḳhushbū jaḌāv haath ke kañgan

gul-o-lāla sajāne meñ bahut hī der kar dī hai

kahīñ patthar na ho jaa.eñ mirī ye muntazir āñkheñ

palaT kar tum ne aane meñ bahut hī der kar dī hai

chalo kuchh muḳhtasar kar deñ ġham-o-ālām kā qissa

tumheñ ham ne bhulāne meñ bahut hī der kar dī hai

junūñ be-bāk ne saarī hadoñ ko toḌ Daalā hai

ḳhirad ne maat khāne meñ bahut hī der kar dī hai

numū kī rut bahut muddat se tārīkī meñ Thahrī hai

na.e sūraj ne aane meñ bahut hī der kar dī hai

charagh-e-dil jalane mein bahut hi der kar di hai

suragh-e-dard pane mein bahut hi der kar di hai

harir-o-parniyan KHushbu jaDaw hath ke kangan

gul-o-lala sajaane mein bahut hi der kar di hai

kahin patthar na ho jaen meri ye muntazir aankhen

palaT kar tum ne aane mein bahut hi der kar di hai

chalo kuchh muKHtasar kar den gham-o-alam ka qissa

tumhein hum ne bhulane mein bahut hi der kar di hai

junun be-bak ne sari hadon ko toD Dala hai

KHirad ne mat khane mein bahut hi der kar di hai

numu ki rut bahut muddat se tariki mein Thahri hai

nae suraj ne aane mein bahut hi der kar di hai