charagh-e-mah sin raushan-tar hai husn-e-be-misal us ka

charāġh-e-mah siiñ raushan-tar hai husn-e-be-misāl us kā

ki chauthe charḳh par ḳhurshīd hai aks-e-jamāl us kā

sanam kī zulf ke halqe meñ hai jyuuñ jiim kā nuqta

ajab hai ḳhush-numā us āriz-e-gulgūñ pe ḳhaal us kā

ayaañ hotā hai jyūñ-kar sarv paanī ke kināre par

huā yuuñ jalva-gar āñkhoñ meñ qadd-e-naunihāl us kā

judā jab siiñ huā vo dilbar-e-jādū-nazar mujh siiñ

judā hotā nahīñ yak aan ḳhātir siiñ ḳhayāl us kā

mujhe hai aarzū dil meñ tirī chāh-e-zanaḳhdāñ kī

nahīñ darkār hauz-e-kausar o āb-e-zulāl us kā

giraftār-e-havas kyā lazzat-e-dīdār kuuñ paave

judā jo kuī huā hai aap siiñ paayā visāl us kā

'sirāj' ai shola-rū hai kaun sā so maiñ nahīñ vāqif

mujhe kyā pūchhtā hai pūchh parvāne siiñ haal us kā

charagh-e-mah sin raushan-tar hai husn-e-be-misal us ka

ki chauthe charKH par KHurshid hai aks-e-jamal us ka

sanam ki zulf ke halqe mein hai jyun jim ka nuqta

ajab hai KHush-numa us aariz-e-gulgun pe KHal us ka

ayan hota hai jyun-kar sarw pani ke kinare par

hua yun jalwa-gar aankhon mein qadd-e-naunihaal us ka

juda jab sin hua wo dilbar-e-jadu-nazar mujh sin

juda hota nahin yak aan KHatir sin KHayal us ka

mujhe hai aarzu dil mein teri chah-e-zanaKHdan ki

nahin darkar hauz-e-kausar o aab-e-zulal us ka

giraftar-e-hawas kya lazzat-e-didar kun pawe

juda jo kui hua hai aap sin paya visal us ka

'siraj' ai shola-ru hai kaun sa so main nahin waqif

mujhe kya puchhta hai puchh parwane sin haal us ka