charagh-e-sham tha din bhar bujha raha koi

charāġh-e-shām thā din bhar bujhā rahā koī

ġhurūb shams ke hote hī jal gayā koī

bayān kar nahīñ saktā kabhī mahāsin-e-ishq

koī radīf ġhazal meñ na qāfiya koī

rafāqatoñ meñ ajab tarz-e-ajnabiyyat thā

ki saath rah ki bhī ham se rahā judā koī

ye rañg dard ke aate nahīñ suḳhan meñ yūñhī

nihāl-e-dil pe mire zaḳhm hai khulā koī

mire safar meñ mirī ham-safar hai tanhā.ī

ki do qadam na mire saath chal sakā koī

na ain par hī rukī shiin pe na qaaf pe hī

tumhārī yaad kī manzil na intihā koī

charagh-e-sham tha din bhar bujha raha koi

ghurub shams ke hote hi jal gaya koi

bayan kar nahin sakta kabhi mahasin-e-ishq

koi radif ghazal mein na qafiya koi

rafaqaton mein ajab tarz-e-ajnabiyyat tha

ki sath rah ki bhi hum se raha juda koi

ye rang dard ke aate nahin suKHan mein yunhi

nihaal-e-dil pe mere zaKHm hai khula koi

mere safar mein meri ham-safar hai tanhai

ki do qadam na mere sath chal saka koi

na ain par hi ruki shin pe na qaf pe hi

tumhaari yaad ki manzil na intiha koi