چراغ زیست سر رہ گزر ہے کتنی دیر
چراغ زیست سر رہ گزر ہے کتنی دیر
یہ روشنی بھی شریک سفر ہے کتنی دیر
فرار درد سے غم سے مفر ہے کتنی دیر
فصیل شب یہ چراغ سحر ہے کتنی دیر
سواد شام میں آئینے کہتے جاتے ہیں
ترا یہ فن بھی اے آئینہ گر ہے کتنی دیر
زمیں پکار رہی ہے اے برگ خشک تجھے
ہوا کے رقص میں تو ہے مگر ہے کتنی دیر
رگوں میں موج حرارت نظر میں برق کی رو
درون جسم لہو کا بھنور ہے کتنی دیر
ہمیں تو شب کے سمندر میں غرق رہنا ہے
جمال صبح طرب معتبر ہے کتنی دیر
رمیدہ وقت کے منظر بدلتے رہتے ہیں
ہوا کا قہر بھی سوکھے شجر ہے کتنی دیر
مری حیات بھی مجھ سے بچھڑنے والی
ترا وجود بھی پیش نظر ہے کتنی دیر
کسی بھی موڑ پہ مجھ سے جدا تو ہونا ہے
مرا جنون مرا ہم سفر ہے کتنی دیر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
