charagh ghar mein jala nahin hai
charāġh ghar meñ jalā nahīñ hai
ye raat kā mas.ala nahīñ hai
ye raat tum se nahīñ kaTegī
ye hijr hai rat-jagā nahīñ hai
dalīl mantiq nahīñ chalegī
ye ishq hai falsafa nahīñ hai
ye ishq hai bandagī samajh mat
tū aadmī hai ḳhudā nahīñ hai
hai rañj kyoñ hāl-e-dil pe āḳhir
ye qissa tū ne sunā nahīñ hai
ḳhud apne dushman haiñ log saare
nahīñ koī dūsrā nahīñ hai
havā se lau thartharā ga.ī thī
charāġh lekin bujhā nahīñ hai
charagh ghar mein jala nahin hai
ye raat ka masala nahin hai
ye raat tum se nahin kaTegi
ye hijr hai rat-jaga nahin hai
dalil mantiq nahin chalegi
ye ishq hai falsafa nahin hai
ye ishq hai bandagi samajh mat
tu aadmi hai KHuda nahin hai
hai ranj kyon haal-e-dil pe aaKHir
ye qissa tu ne suna nahin hai
KHud apne dushman hain log sare
nahin koi dusra nahin hai
hawa se lau tharthara gai thi
charagh lekin bujha nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
