charagh ishq ke dil mein jalae jate hain

charāġh ishq ke dil meñ jalā.e jaate haiñ

baḌe hī shauq se sadme uThā.e jaate haiñ

unheñ sukūn mile ik yahī tamanna hai

agarche ham ko vo jī-bhar rulā.e jaate haiñ

fareb un kī adā aur adā fareb lage

yaqīn-e-ishq vo phir bhī dilā.e jaate haiñ

bhulā diyā hai hameñ ḳhair koī baat nahīñ

vo yaad aa ke magar kyoñ rulā.e jaate haiñ

ḳhushī manāte haiñ har vaqt dil ke luTne kī

to ahl-e-shauq bhalā kyoñ satā.e jaate haiñ

haiñ jaan merī vahī haiñ adū vahī jaañ ke

vo bāteñ ġhair se kar zulm Dhaa.e jaate haiñ

charagh ishq ke dil mein jalae jate hain

baDe hi shauq se sadme uThae jate hain

unhen sukun mile ek yahi tamanna hai

agarche hum ko wo ji-bhar rulae jate hain

fareb un ki ada aur ada fareb lage

yaqin-e-ishq wo phir bhi dilae jate hain

bhula diya hai hamein KHair koi baat nahin

wo yaad aa ke magar kyon rulae jate hain

KHushi manate hain har waqt dil ke luTne ki

to ahl-e-shauq bhala kyon satae jate hain

hain jaan meri wahi hain adu wahi jaan ke

wo baaten ghair se kar zulm Dhae jate hain