چراغ جلتا نہیں ہے لیکن جلا رہا ہوں

چراغ جلتا نہیں ہے لیکن جلا رہا ہوں

میں ایک لڑکی کو پیار کرنا سکھا رہا ہوں

اسی لئے تو نکھر رہا ہوں میں لمحہ لمحہ

کہ جھیل آنکھوں میں چاند بن کر نہا رہا ہوں

یہ ساتھ گاؤں میں ایک چھوٹا سا کام ہے بس

مری اداسی اداس مت ہو میں آ رہا ہوں

کہ بیڑیوں کی حسین چھن چھن پہ سر دھنو تم

نہ مجھ سے پوچھو کہ پاؤں کیسے ہلا رہا ہوں

ہے موم جیسا مرا بدن اور تو آگ جیسی

ترے قریب آ کے اپنی ہستی مٹا رہا ہوں

حسیبؔ اپنا خیال رکھنا مجھے اجازت

شکیب و ثروت بلا رہے ہیں میں جا رہا ہوں