charaghon ke sath jal rahi hun hawa ke hamrah chal rahi hun

charāġhoñ ke saath jal rahī huuñ havā ke hamrāh chal rahī huuñ

yahī hai hālāt kā taqāzā mizāj apnā badal rahī huuñ

na koī dar hai na koī chhat hai yahī mirī apnī saltanat hai

tumhāre sapnoñ kī shāhzādī tumhārī āñkhoñ meñ pal rahī huuñ

ḳhabar hai kuchh muskurāne vaalo mujhe nishāna banāne vaalo

abhī talak maiñ kamān meñ thī kamān se ab nikal rahī huuñ

na koī dāman na koī saaya koī to ho jo mujhe bulā.e

maiñ dhuup meñ kal bhī jal rahī thī maiñ dhuup meñ ab bhī jal rahī huuñ

na maiñ farishta na pārsā huuñ maiñ apnī marzī kī mālika huuñ

sañbhal sañbhal kar bahak rahī huuñ bahak bahak kar sañbhal rahī huuñ

ye chāhtī huuñ jahāñ kā har ġham 'rehāna' dil meñ sameT luuñ maiñ

vo sang hai to rahe salāmat maiñ mom ban kar pighal rahī huuñ

charaghon ke sath jal rahi hun hawa ke hamrah chal rahi hun

yahi hai haalat ka taqaza mizaj apna badal rahi hun

na koi dar hai na koi chhat hai yahi meri apni saltanat hai

tumhaare sapnon ki shahzadi tumhaari aankhon mein pal rahi hun

KHabar hai kuchh muskurane walo mujhe nishana banane walo

abhi talak main kaman mein thi kaman se ab nikal rahi hun

na koi daman na koi saya koi to ho jo mujhe bulae

main dhup mein kal bhi jal rahi thi main dhup mein ab bhi jal rahi hun

na main farishta na parsa hun main apni marzi ki malika hun

sanbhal sanbhal kar bahak rahi hun bahak bahak kar sanbhal rahi hun

ye chahti hun jahan ka har gham 'rehana' dil mein sameT lun main

wo sang hai to rahe salamat main mom ban kar pighal rahi hun