چراغوں کی کیا زندگانی رہے گی

چراغوں کی کیا زندگانی رہے گی

ہوا کی اگر حکمرانی رہے گی

چھتوں پر وہی پھول کھلنے لگے ہیں

فضا مدتوں زعفرانی رہے گی

ہوا کے اشاروں پہ چلنے لگی ہے

یہ کشتی تو اب بادبانی رہے گی

زباں بولنے والے کم ہو رہے ہیں

تو اب آگے کیا بے زبانی رہے گی

گھروں میں اجالے کا وعدہ جو ٹھہرا

تو بجلی ہمیں پر گرانی رہے گی

ندی تشنہ لب کو فراموش کر کے

رہے گی مگر پانی پانی رہے گی

نئے کوزہ گر کو یہ سمجھائیے گا

کہ مٹی تو اپنی پرانی رہے گی