charaghon se kuchh to churaya gaya hai

charāġhoñ se kuchh to churāyā gayā hai

jo thī aag us ko bujhāyā gayā hai

likhā thā jinheñ sirf apne lahū se

mire un ḳhatoñ ko jalāyā gayā hai

hazāroñ daf'a us ne kī bevafā.ī

mujhe bevafā kyoñ batāyā gayā hai

mujhe ḳhud nikalnā paḌā apne ghar se

ye mat sochnā ki bhagāyā gayā hai

ḳhabar ye milī hai ki mere hī ghar meñ

kisī ġhair ko ab basāyā gayā hai

mujhe hī satā kar mujhe hī rulā kar

ye ilzām mujh par lagāyā gayā hai

tumheñ kyā batā.ūñ mohabbat meñ 'rāvat'

mujhe kis qadar āzmāyā gayā hai

charaghon se kuchh to churaya gaya hai

jo thi aag us ko bujhaya gaya hai

likha tha jinhen sirf apne lahu se

mere un KHaton ko jalaya gaya hai

hazaron daf'a us ne ki bewafai

mujhe bewafa kyon bataya gaya hai

mujhe KHud nikalna paDa apne ghar se

ye mat sochna ki bhagaya gaya hai

KHabar ye mili hai ki mere hi ghar mein

kisi ghair ko ab basaya gaya hai

mujhe hi sata kar mujhe hi rula kar

ye ilzam mujh par lagaya gaya hai

tumhein kya bataun mohabbat mein 'rawat'

mujhe kis qadar aazmaya gaya hai