chashm be-KHwab hui shahr ki virani se
chashm be-ḳhvāb huī shahr kī vīrānī se
dil utartā hī nahīñ taḳht-e-sulaimānī se
pahle to raat hī kaaTe se nahīñ kaTtī thī
aur ab din bhī guzartā nahīñ āsānī se
ham ne ik dūsre ke aks ko jab qatl kiyā
ā.īna dekh rahā thā hameñ hairānī se
ab ke hai lab-e-āb hī mar jā.eñge
pyaas aisī hai ki bujhtī hī nahīñ paanī se
aañkh pahchāntī hai lūTne vāloñ ko magar
kaun pūchhegā mirī be-sar-o-sāmānī se
yūñhī dushman nahīñ dar aayā mire āñgan meñ
dhuup ko raah milī peḌ kī uryānī se
koī bhī chiiz salāmat na rahe ghar meñ 'salīm'
fā.eda kyā hai bhalā aisī nigahbānī se
chashm be-KHwab hui shahr ki virani se
dil utarta hi nahin taKHt-e-sulaimani se
pahle to raat hi kaTe se nahin kaTti thi
aur ab din bhi guzarta nahin aasani se
hum ne ek dusre ke aks ko jab qatl kiya
aaina dekh raha tha hamein hairani se
ab ke hai lab-e-ab hi mar jaenge
pyas aisi hai ki bujhti hi nahin pani se
aankh pahchanti hai luTne walon ko magar
kaun puchhega meri be-sar-o-samani se
yunhi dushman nahin dar aaya mere aangan mein
dhup ko rah mili peD ki uryani se
koi bhi chiz salamat na rahe ghar mein 'salim'
faeda kya hai bhala aisi nigahbani se
- Book : duniya aarzoo se kam hai
- Author : Saleem kausar
- Publication : the institute of company secretaries of india
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
