chashm-e-ana se baada-e-gham pi raha tha wo

chashm-e-anā se bāda-e-ġham pī rahā thā vo

kal raat apne aap meñ Duubā huā thā vo

mujh ko mire vajūd se bāhar jo le gayā

mere hī ruup meñ koī bahrūpiyā thā vo

shor us ko zindagī kā sunā.ī nahīñ diyā

shāyad kisī kī chaah meñ Duubā huā thā vo

mahshar meñ mujh ko pūchh rahā thā har ek se

ma.alūm baad meñ huā merā ḳhudā thā vo

mujh sā hī shaḳhs koī mire aa.ine meñ thā

mujh ko hī dekh dekh ke ghabrā rahā thā vo

'afroz' aayā sāmne yuuñ us ke dil kā chor

tasvīr merī dekh ke sharmā rahā thā vo

chashm-e-ana se baada-e-gham pi raha tha wo

kal raat apne aap mein Duba hua tha wo

mujh ko mere wajud se bahar jo le gaya

mere hi rup mein koi bahrupiya tha wo

shor us ko zindagi ka sunai nahin diya

shayad kisi ki chah mein Duba hua tha wo

mahshar mein mujh ko puchh raha tha har ek se

malum baad mein hua mera KHuda tha wo

mujh sa hi shaKHs koi mere aaine mein tha

mujh ko hi dekh dekh ke ghabra raha tha wo

'afroz' aaya samne yun us ke dil ka chor

taswir meri dekh ke sharma raha tha wo