chashm-e-bina aur ehsas-e-haqiqat chahiye

chashm-e-bīnā aur ehsās-e-haqīqat chāhiye

kasrat-e-fitrat meñ vahdat kī aqīdat chāhiye

zabt-e-ehsāsāt kī ainī shahādat chāhiye

har amal meñ tark-e-lazzat kī ri.āyat chāhiye

kasrat-e-fitrat meñ rah kar husn-e-vahdat chāhiye

har ibādat meñ ubūdiyyat kī niyyat chāhiye

jalva-hā-e-nūr ko āġhosh-e-ḳhalvat chāhiye

aur ḳhalvat meñ makīn-e-dil kī jalvat chāhiye

har-nafas āmāda-e-āzār hai charḳh-e-kuhan

phir bhī insāñ ko kabhī ārām-o-rāhat chāhiye

be-sabātī meñ bhī tama.a-e-zīst dāman-gīr hai

har qadam par kuchh na kuchh ījād-o-jiddat chāhiye

koshish-e-mashkūr haiñ apnī junūñ-afzā.iyāñ

maktab-e-vahshat meñ dastār-e-fazīlat chāhiye

hai kaThin qaid-e-badan meñ dīd-e-anvār-e-ḳhafī

inhimāk-e-dil ko zāhir koī sūrat chāhiye

ham ko is be-mā.egī par hī to 'sarvar' naaz hai

bas faqat ahl-e-nazar kī kuchh ināyat chāhiye

chashm-e-bina aur ehsas-e-haqiqat chahiye

kasrat-e-fitrat mein wahdat ki aqidat chahiye

zabt-e-ehsasat ki aini shahadat chahiye

har amal mein tark-e-lazzat ki riayat chahiye

kasrat-e-fitrat mein rah kar husn-e-wahdat chahiye

har ibaadat mein ubudiyyat ki niyyat chahiye

jalwa-ha-e-nur ko aaghosh-e-KHalwat chahiye

aur KHalwat mein makin-e-dil ki jalwat chahiye

har-nafas aamada-e-azar hai charKH-e-kuhan

phir bhi insan ko kabhi aaram-o-rahat chahiye

be-sabaati mein bhi tama-e-zist daman-gir hai

har qadam par kuchh na kuchh ijad-o-jiddat chahiye

koshish-e-mashkur hain apni junun-afzaiyan

maktab-e-wahshat mein dastar-e-fazilat chahiye

hai kaThin qaid-e-badan mein did-e-anwar-e-KHafi

inhimak-e-dil ko zahir koi surat chahiye

hum ko is be-maegi par hi to 'sarwar' naz hai

bas faqat ahl-e-nazar ki kuchh inayat chahiye