chashm-e-bina ho to har ja tera jalwa dekhe

chashm-e-bīnā ho to har jā tirā jalva dekhe

qatre qatre meñ nihāñ vus.at-e-dariyā dekhe

jab talak chashm-e-suvaidā meñ na ho tāqat-e-dīd

nahīñ mumkin ki koī jalva tumhārā dekhe

tuur par jaane kī taklīf sahe kyuuñ vo kalīm

jalva-e-yār ko jo dil meñ huvaidā dekhe

hasrat-e-dīd meñ āñkheñ haiñ khulī ba.ad-e-fanā

koī ai kaash mirā aan ke naqshā dekhe

kahīñ hasrat kā muraqqa.a hai kahīñ hirmāñ kā

kahte haiñ aan ke ghar koī tire kyā dekhe

mujh ko marne nahīñ detā hai tasavvur us kā

koī aa kar mire jiine kā sahārā dekhe

saaf ho jā.egī duniyā kī haqīqat raushan

chashm-e-'āfāq' se āfāq kā naqshā dekhe

chashm-e-bina ho to har ja tera jalwa dekhe

qatre qatre mein nihan wusat-e-dariya dekhe

jab talak chashm-e-suwaida mein na ho taqat-e-did

nahin mumkin ki koi jalwa tumhaara dekhe

tur par jaane ki taklif sahe kyun wo kalim

jalwa-e-yar ko jo dil mein huwaida dekhe

hasrat-e-did mein aankhen hain khuli baad-e-fana

koi ai kash mera aan ke naqsha dekhe

kahin hasrat ka muraqqa hai kahin hirman ka

kahte hain aan ke ghar koi tere kya dekhe

mujh ko marne nahin deta hai tasawwur us ka

koi aa kar mere jine ka sahaara dekhe

saf ho jaegi duniya ki haqiqat raushan

chashm-e-'afaq' se aafaq ka naqsha dekhe