چشم گریاں کو جو بادہ تھے بنانے والے

چشم گریاں کو جو بادہ تھے بنانے والے

رو پڑے آج وہ لوگوں کو ہنسانے والے

تم تو پانی کی محبت میں یہاں تک آئے

ہم تو پاگل تھے کناروں کو ملانے والے

ہر نیا شخص تو مطلب کی وفا مانگے ہے

ڈھونڈ لاتے ہیں وہی یار پرانے والے

یاد کرنا بھی تو لازم ہے بھلانے کے لیے

اس طرح کیسے بھلائیں گے بھلانے والے

روز پانی میں اترتا ہے کوئی کچا گھڑا

روز مرتے ہیں وفاؤں کو نبھانے والے

لوٹ آئے ہو مرے پاس تو یوں لگتا ہے

مر گئے سارے ترے ناز اٹھانے والے

جب کوئی کاندھا میسر نہ ہو سر رکھنے کو

دکھ بھلا کیسے سنائیں گے سنانے والے