chashm-e-giryan ko jo baada the banane wale

chashm-e-giryāñ ko jo baada the banāne vaale

ro paḌe aaj vo logoñ ko hañsāne vaale

tum to paanī kī mohabbat meñ yahāñ tak aa.e

ham to pāgal the kināroñ ko milāne vaale

har nayā shaḳhs to matlab kī vafā māñge hai

DhūñD laate haiñ vahī yaar purāne vaale

yaad karnā bhī to lāzim hai bhulāne ke liye

is tarah kaise bhulā.eñge bhulāne vaale

roz paanī meñ utartā hai koī kachchā ghaḌā

roz marte haiñ vafāoñ ko nibhāne vaale

lauT aa.e ho mire paas to yuuñ lagtā hai

mar ga.e saare tire naaz uThāne vaale

jab koī kāñdhā mayassar na ho sar rakhne ko

dukh bhalā kaise sunā.eñge sunāne vaale

chashm-e-giryan ko jo baada the banane wale

ro paDe aaj wo logon ko hansane wale

tum to pani ki mohabbat mein yahan tak aae

hum to pagal the kinaron ko milane wale

har naya shaKHs to matlab ki wafa mange hai

DhunD late hain wahi yar purane wale

yaad karna bhi to lazim hai bhulane ke liye

is tarah kaise bhulaenge bhulane wale

roz pani mein utarta hai koi kachcha ghaDa

roz marte hain wafaon ko nibhane wale

lauT aae ho mere pas to yun lagta hai

mar gae sare tere naz uThane wale

jab koi kandha mayassar na ho sar rakhne ko

dukh bhala kaise sunaenge sunane wale