chashm-e-jaanan ke hain kis darja ishaaraat wasia

chashm-e-jānāñ ke haiñ kis darja ishārāt vasī.a

har taḳhayyul hai buland us kā har ik baat vasī.a

nahīñ rahtī kabhī raftār-e-zamāna yaksāñ

dahr meñ din hai kabhī aur kabhī raat vasī.a

ḳhvāhish-e-vasl pe farmāyā ki haañ haañ hogā

muḳhtasar lafz haiñ lekin haiñ ishārāt vasī.a

ek hichkī ne kiyā qissa-e-furqat ko tamām

ham samajhte the ki haiñ hijr ke hālāt vasī.a

kyā ta.ajjub jo kifāyat na kare roz-e-hisāb

is qadar haiñ mirī taqdīr kī āfāt vasī.a

hijr kī ek ghaḌī ek baras hotī hai

din ko hai tuul jo furqat meñ to hai raat vasī.a

hālat-e-naza.a meñ vo pūchhte haiñ kyā kahiye

vaqt thoḌā sā hai 'āfāq' shikāyāt vasī.a

chashm-e-jaanan ke hain kis darja ishaaraat wasia

har taKHayyul hai buland us ka har ek baat wasia

nahin rahti kabhi raftar-e-zamana yaksan

dahr mein din hai kabhi aur kabhi raat wasia

KHwahish-e-wasl pe farmaya ki han han hoga

muKHtasar lafz hain lekin hain ishaaraat wasia

ek hichki ne kiya qissa-e-furqat ko tamam

hum samajhte the ki hain hijr ke haalat wasia

kya tajjub jo kifayat na kare roz-e-hisab

is qadar hain meri taqdir ki aafat wasia

hijr ki ek ghaDi ek baras hoti hai

din ko hai tul jo furqat mein to hai raat wasia

haalat-e-naza mein wo puchhte hain kya kahiye

waqt thoDa sa hai 'afaq' shikayat wasia