chashm-e-KHunbar mein kyun laKHt-e-jigar jama karen

chashm-e-ḳhūñbār meñ kyuuñ laḳht-e-jigar jama.a kareñ

ġhuncha-e-gul kī tarah kā hai ko zar jama.a kareñ

qatl ke ba.ad huā hukm ki lāsheñ uTh jaa.eñ

qaid-e-tafrīq se maqtūloñ ke sar jama.a kareñ

yaar ne ḳhatt-o-kabūtar ke kiye haiñ TukḌe

purze kāġhaz ke kareñ jama.a ki par jama.a kareñ

fikr meñ gesū-o-ruḳhsār ke dil kī ḳhātir

shaam hotī hai pareshāñ jo sahar jama.a kareñ

ham rahe dahr meñ jab tak tū rahe pā-ba-rikāb

par na ye ho sakā asbāb-e-safar jama.a kareñ

donoñ aalam se na kyuuñ band vo āñkheñ rakkheñ

tere nazzāre ke ḳhātir jo nazar jama.a kareñ

yak qalam pañj sad-o-chār hoñ dīvāñ meñ ġhazal

ham kalām apnā 'vaqār' aaj agar jama.a kareñ

chashm-e-KHunbar mein kyun laKHt-e-jigar jama karen

ghuncha-e-gul ki tarah ka hai ko zar jama karen

qatl ke baad hua hukm ki lashen uTh jaen

qaid-e-tafriq se maqtulon ke sar jama karen

yar ne KHatt-o-kabutar ke kiye hain TukDe

purze kaghaz ke karen jama ki par jama karen

fikr mein gesu-o-ruKHsar ke dil ki KHatir

sham hoti hai pareshan jo sahar jama karen

hum rahe dahr mein jab tak tu rahe pa-ba-rikab

par na ye ho saka asbab-e-safar jama karen

donon aalam se na kyun band wo aankhen rakkhen

tere nazzare ke KHatir jo nazar jama karen

yak qalam panj sad-o-chaar hon diwan mein ghazal

hum kalam apna 'waqar' aaj agar jama karen