chashm-e-KHunbar sa barse na kabhu pani ek

chashm-e-ḳhūñbār sā barse na kabhū paanī ek

abr har chand kare apnā lahū paanī ek

shust-o-shū nāma-e-a.amāl kī jis se ho.e

baras ai abr-e-karam mujh pe vo tū paanī ek

laakh paanī se maiñ dhoyā na chhuTā zaḳhm kā ḳhuun

kaam aayā na mire vaqt-e-rafū paanī ek

aaj tak ashk mirī aañkh se girte haiñ safed

zarf meñ apne ye rakhtā hai subū paanī ek

tā-kamar abr-e-mizha apnā to barsā sau baar

na huā mauj-zanāñ ta-ba-gulū paanī ek

ham tirī chaal se dil kyūñki na hāreñ is ai charḳh

baazī dushvār hai tujh se to adū paanī ek

bāzī-e-murġh meñ bhī haar rahī 'ġhāfil' kī

tujh se jiitā na vo ai arbada-jū paanī ek

chashm-e-KHunbar sa barse na kabhu pani ek

abr har chand kare apna lahu pani ek

shust-o-shu nama-e-amal ki jis se hoe

baras ai abr-e-karam mujh pe wo tu pani ek

lakh pani se main dhoya na chhuTa zaKHm ka KHun

kaam aaya na mere waqt-e-rafu pani ek

aaj tak ashk meri aankh se girte hain safed

zarf mein apne ye rakhta hai subu pani ek

ta-kamar abr-e-mizha apna to barsa sau bar

na hua mauj-zanan ta-ba-gulu pani ek

hum teri chaal se dil kyunki na haaren is ai charKH

bazi dushwar hai tujh se to adu pani ek

bazi-e-murgh mein bhi haar rahi 'ghafil' ki

tujh se jita na wo ai arbada-ju pani ek