chashm-e-nam-dida sahi KHitta-e-shadab mera

chashm-e-nam-dīda sahī ḳhitta-e-shādāb mirā

raat kī raat mahaktā hai gul-e-ḳhvāb mirā

ab tahī-raḳht bhī ho kar maiñ tahī-raḳht nahīñ

ḳhvāhish-e-bādiya-paimā.ī hai asbāb mirā

sabt kar aur koī mohr mire hoñToñ par

qufl-e-abjad se nahīñ band huā baab mirā

sāhil-e-chashm pe kapḌoñ ko sukhāne vaale

tū ne kab paar kiyā thā dil-e-pāyāb mirā

naam merā to kiyā us ne qalam-zad lekin

daftar-e-ishq se ḳhārij na huā baab mirā

jis qadar aa.ī farāḳhī mire dil meñ 'tābish'

utnā hī tañg huā halqa-e-ahbāb mirā

chashm-e-nam-dida sahi KHitta-e-shadab mera

raat ki raat mahakta hai gul-e-KHwab mera

ab tahi-raKHt bhi ho kar main tahi-raKHt nahin

KHwahish-e-baadiya-paimai hai asbab mera

sabt kar aur koi mohr mere honTon par

qufl-e-abjad se nahin band hua bab mera

sahil-e-chashm pe kapDon ko sukhane wale

tu ne kab par kiya tha dil-e-payab mera

nam mera to kiya us ne qalam-zad lekin

daftar-e-ishq se KHarij na hua bab mera

jis qadar aai faraKHi mere dil mein 'tabish'

utna hi tang hua halqa-e-ahbab mera