chashm-e-pur-ab sabhi dard sunae hum ko

chashm-e-pur-āb sabhī dard sunā.e ham ko

naqsh-e-ummīd hai vo yaad na aa.e ham ko

ḳhalvat-e-ḳhās meñ ye zauq satā.e ham ko

madh-bharī dhun meñ koī shaḳhs ho gaa.e ham ko

rut ḳhizāñ kī chalī hai suukh ga.e haiñ sabhī peḌ

yaad aa.e haiñ shajar-zār ke saa.e ham ko

aaj mā'lūm nahīñ kis liye yaad aa.e haiñ

dasht-o-sahrā ke vo vīrān sarā.e ham ko

ghar ko lauTe haiñ magar chain nahīñ hai 'ākif'

yaad aate haiñ vahī des parā.e ham ko

chashm-e-pur-ab sabhi dard sunae hum ko

naqsh-e-ummid hai wo yaad na aae hum ko

KHalwat-e-KHas mein ye zauq satae hum ko

madh-bhari dhun mein koi shaKHs ho gae hum ko

rut KHizan ki chali hai sukh gae hain sabhi peD

yaad aae hain shajar-zar ke sae hum ko

aaj ma'lum nahin kis liye yaad aae hain

dasht-o-sahra ke wo viran sarae hum ko

ghar ko lauTe hain magar chain nahin hai 'akif'

yaad aate hain wahi des parae hum ko