chashm-e-pur-nam abhi marhun-e-asar ho na saki
chashm-e-pur-nam abhī marhūn-e-asar ho na sakī
zindagī ḳhāk-nashīnoñ kī basar ho na sakī
mai-kade kī vahī mānūs fazā aur dil-e-zār
ek bhī raat ba-andāz-e-digar ho na sakī
ġham-e-jānāñ ġham-e-daurāñ kī guzargāhoñ se
guzre kuchh aise ki ḳhud apnī ḳhabar ho na sakī
dhuñdle dhuñdle nazar aate to haiñ qadmoñ ke nishāñ
garche pur-nūr abhī rāhguzar ho na sakī
zindagī jām-ba-kaf aa.ī bhī mahfil meñ magar
shab ke matvāloñ ko taufīq-e-nazar ho na sakī
kaise tābinda sitāroñ kā lahū jaltā hai
shab-e-tārīk jo unvān-e-sahar ho na sakī
chashm-e-pur-nam abhi marhun-e-asar ho na saki
zindagi KHak-nashinon ki basar ho na saki
mai-kade ki wahi manus faza aur dil-e-zar
ek bhi raat ba-andaz-e-digar ho na saki
gham-e-jaanan gham-e-dauran ki guzargahon se
guzre kuchh aise ki KHud apni KHabar ho na saki
dhundle dhundle nazar aate to hain qadmon ke nishan
garche pur-nur abhi rahguzar ho na saki
zindagi jam-ba-kaf aai bhi mahfil mein magar
shab ke matwalon ko taufiq-e-nazar ho na saki
kaise tabinda sitaron ka lahu jalta hai
shab-e-tarik jo unwan-e-sahar ho na saki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
