chashm-e-tar hai sahab hai kya hai

chashm-e-tar hai sahāb hai kyā hai

ashk gauhar hai aab hai kyā hai

marnā jiinā janāb hai kyā hai

har-nafas inqalāb hai kiyā hai

zahr phailā fazā meñ nafrat kā

ye siyāsat kā baab hai kyā hai

jām-e-duniyā ko muñh lagā kar dekh

zahr hai yā sharāb hai kyā hai

sinf-e-nāzuk ye tabsira kījiye

ḳhaar hai yā gulāb hai kyā hai

ham se 'ālam kī pūchh asliyat

ye haqīqat hai ḳhvāb hai kyā hai

kaun jaan adāoñ meñ us kī

bachpanā hai shabāb hai kyā hai

vo 'vaqār' aap kā murassā-e-'hilm'

be-nuqat ik kitāb hai kyā hai

chashm-e-tar hai sahab hai kya hai

ashk gauhar hai aab hai kya hai

marna jina janab hai kya hai

har-nafas inqalab hai kiya hai

zahr phaila faza mein nafrat ka

ye siyasat ka bab hai kya hai

jam-e-duniya ko munh laga kar dekh

zahr hai ya sharab hai kya hai

sinf-e-nazuk ye tabsira kijiye

KHar hai ya gulab hai kya hai

hum se 'alam ki puchh asliyat

ye haqiqat hai KHwab hai kya hai

kaun jaan adaon mein us ki

bachpana hai shabab hai kya hai

wo 'waqar' aap ka murassa-e-'hilm'

be-nuqat ek kitab hai kya hai