chashma-e-bad-mast ko phir shewa-e-dil-dari de
chashma-e-bad-mast ko phir sheva-e-dil-dārī de
dil-e-āvāra ko paiġhām-e-giraftārī de
ishq hai sāda-o-māsūm use apnī tarah
jauhar-e-teġh-e-adā ḳhanjar-e-ayyārī de
jo dukhe dil haiñ unheñ daulat-e-darmāñ ho atā
dard ke haath meñ mat kāsā-e-nādārī de
kitnī farsūda hai ye jurm-o-sazā kī duniyā
sar-kashī dil ko nayā zauq-e-gunahgārī de
shāḳh-e-gul kab se hai siine meñ chhupā.e hue gul
dekheñ kab bād-e-sabā hukm-e-chaman-kārī de
ai mire sho.ala-e-dil sho.ala-e-sher-o-dānish
raat āḳhir hai use jashn-e-sharar-bārī de
chaman afsurda hai ai jān-e-chaman rūh-e-bahār
gul ko bhī apne tabassum kī fusūñ-kārī de
chashma-e-bad-mast ko phir shewa-e-dil-dari de
dil-e-awara ko paigham-e-giraftari de
ishq hai sada-o-masum use apni tarah
jauhar-e-tegh-e-ada KHanjar-e-ayyari de
jo dukhe dil hain unhen daulat-e-darman ho ata
dard ke hath mein mat kasa-e-nadari de
kitni farsuda hai ye jurm-o-saza ki duniya
sar-kashi dil ko naya zauq-e-gunahgari de
shaKH-e-gul kab se hai sine mein chhupae hue gul
dekhen kab baad-e-saba hukm-e-chaman-kari de
ai mere shoala-e-dil shoala-e-sher-o-danish
raat aaKHir hai use jashn-e-sharar-bari de
chaman afsurda hai ai jaan-e-chaman ruh-e-bahaar
gul ko bhi apne tabassum ki fusun-kari de
- Book : Kulliyat-e-Ali Sardar Jafri Vol.II (Pg. 438)
- Author : Ali Ahmad Fatmi
- Publication : Qaumi Council Baray-e-farog Urdu Zaban, New Delhi (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
