chaTTan ke saye mein khaDa soch raha hun
chaTTān ke saaye meñ khaḌā soch rahā huuñ
maiñ āb-e-ravāñ kis ke liye Thahr gayā huuñ
paanī meñ chamaktā hai koī mehrbāñ saaya
shaffāf samundar hoñ use chuum rahā huuñ
patthar ne pukārā thā maiñ āvāz kī dhun meñ
maujoñ kī tarah chāroñ taraf phail gayā huuñ
ik siip to le aayā thā paanī meñ utar kar
maanā ki use ret pe ab pheñk chukā huuñ
sahrā-e-havas apnī taraf khīñch rahā hai
maiñ andhe samundar kī taraf dekh rahā huuñ
chaTTan ke saye mein khaDa soch raha hun
main aab-e-rawan kis ke liye Thahr gaya hun
pani mein chamakta hai koi mehrban saya
shaffaf samundar hon use chum raha hun
patthar ne pukara tha main aawaz ki dhun mein
maujon ki tarah chaaron taraf phail gaya hun
ek sip to le aaya tha pani mein utar kar
mana ki use ret pe ab phenk chuka hun
sahra-e-hawas apni taraf khinch raha hai
main andhe samundar ki taraf dekh raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
