chehra koi bhi aankh mein Thahra na phir kabhi

chehra koī bhī aañkh meñ Thahrā na phir kabhī

dil ne kisī bhī shaḳhs ko chāhā na phir kabhī

rūThā zarā sī baat pe uTh kar chalā gayā

aisā gayā ki lauT ke aaya na phir kabhī

kuchh yuuñ milā tapāk se bas ishq ho gayā

vo ajnabī thā kaun thā sochā na phir kabhī

us ne bataur tohfa diyā thā libās-e-hijr

pahnā jo ek baar utārā na phir kabhī

dekhe za.iif kāñdhoñ pe mehnat ke jab nishāñ

bachchoñ ne kuchh bhī baap se māñgā na phir kabhī

daulat milī to chhin ga.ī ehsās kī qabā

us ne mirā mizāj bhī pūchhā na phir kabhī

'nāzish' guzar chukā thā had-e-e'tidāl se

jaane kahāñ gayā use dekhā na phir kabhī

chehra koi bhi aankh mein Thahra na phir kabhi

dil ne kisi bhi shaKHs ko chaha na phir kabhi

ruTha zara si baat pe uTh kar chala gaya

aisa gaya ki lauT ke aaya na phir kabhi

kuchh yun mila tapak se bas ishq ho gaya

wo ajnabi tha kaun tha socha na phir kabhi

us ne bataur tohfa diya tha libas-e-hijr

pahna jo ek bar utara na phir kabhi

dekhe zaif kandhon pe mehnat ke jab nishan

bachchon ne kuchh bhi bap se manga na phir kabhi

daulat mili to chhin gai ehsas ki qaba

us ne mera mizaj bhi puchha na phir kabhi

'nazish' guzar chuka tha had-e-e'tidal se

jaane kahan gaya use dekha na phir kabhi