chehra nahin tha maila qusur aaine ka tha

chehra nahīñ thā mailā qusūr aa.ine kā thā

ye sochnā bhī us kā ajab zāviye kā thā

maiñ kis tarah na us ke bichhaḌne kā ġham karūñ

sāthī vo merā barsoñ se har rāste kā thā

darvāza merā khol ke pūchhā havāoñ ne

kyā intizār tum ko kisī dūsre kā thā

dekhā nahīñ kisī ne use e'timād se

jo kaam kar gayā vo baḌe hausle kā thā

ham sīḌhiyoñ pe vaqt kī chaḌhte rahe 'matīn'

har daur zindagī kā na.e tajrbe kā thā

chehra nahin tha maila qusur aaine ka tha

ye sochna bhi us ka ajab zawiye ka tha

main kis tarah na us ke bichhaDne ka gham karun

sathi wo mera barson se har raste ka tha

darwaza mera khol ke puchha hawaon ne

kya intizar tum ko kisi dusre ka tha

dekha nahin kisi ne use e'timad se

jo kaam kar gaya wo baDe hausle ka tha

hum siDhiyon pe waqt ki chaDhte rahe 'matin'

har daur zindagi ka nae tajrbe ka tha